Jahongir Poziljonovning qo‘shiqlari va kliplari originalligi bilan doim boshqa ijodkorlardan farq qilib turadi. Bugun taqdim etilayotgan yangi tarona ham ana shular qatoriga kiradi, deb xabar bermoqda “Popcorn.uz”.
Xonanda o‘z g‘oyasi asosida “Jamshid” nomli qo‘shiq yaratdi.
“O‘zbegim taronasi” radiosida ilk marta jarang sochgan qo‘shiq premyerasi shov-shuvli tarzda o‘tdi. Ko‘plab tinglovchilarning maqtoviga erisha olgan taronaga videoklip ham ishlandi.
Jonrid Sagdiyev tomonidan tasvirga olingan videoda bir necha mashhur ijodkorlarni uchratish mumkin. Qizig‘i shundaki, ular noodatiy tarzdagi obrazlarni yaratgan, ya’ni Shohruhxon, Javlon Shodmonov, Shukrullo Isroilov va “Ummon” guruhi yigitlari keksalik vaqtida tasvirlangan.
Izoh (0)