Toshkentda yo‘lning qarama-qarshi yo‘nalish uchun mo‘ljallangan tomonida harakatlangan Lacetti aks etgan video internetda paydo bo‘ldi. Videolavha Facebook’dagi “Voditeli Tashkenta” guruhida foydalanuvchilardan biri tomonidan qo‘yilgan.
https://www.youtube.com/watch?v=dO-BeyxZyaA&list=UUr3-QIYD2j6B30QtsFenTfg&index=1
Avtomobil videoregistratori orqali yozib olingan videolavhada Lacetti yo‘lning qarama-qarshi yo‘nalish uchun mo‘ljallangan tomonida o‘ta xavfli tarzda katta tezlikda harakatlanib kelgani ko‘rinib turadi. Videoregistrator o‘rnatilgan avtomobil ham qarshisidan kelayotgan Lacetti’ga urilib ketmaslik uchun qarama-qarshi yo‘nalishga qochib, keyin yana o‘z yo‘liga qaytganini ko‘rish mumkin.
Videoyozuv ostiga izoh qoldirgan guruh a’zolari ushbu harakatni keskin tanqidga olgan. Foydalanuvchilar Lacetti o‘z yo‘nalishida kelayotgan Matiz’ni quvib o‘tish uchun qarama-qarshi yo‘lga o‘tganini, shuningdek shu vaziyatda yo‘lni piyoda ham kesib o‘tayotganini qayd etgan. Shuningdek, videolavha muallifi ham yuqori tezlik va Lacetti bilan to‘qnashuvdan qochibq qarama-qarshi yo‘lga o‘tgani uchun tanqid qilingan.
Videolavha muallifi Lacetti’ning davlat raqami 01 545 EBA ekanligi ko‘rinib turuvchi suratni ham videolavha ostiga joylashtirgan. Voqea Mirzo Ulug‘bek tumani soliq inspeksiyasi yaqinidagi yo‘lda sodir bo‘lgani qayd etilgan.
Izoh (0)