Mashhur AnTuTu saytida yangi Samsung Galaxy S6 smartfoni haqida ma’lumot paydo bo‘ldi

Samsung kompaniyasi an’anaga ko‘ra 2015-yilning birinchi yarmida Galaxy S6 smartfonini taqdim etishi kutilmoqda. Phonearena.com’ga asoslanib “Parol” nashrining xabar berishicha, Android qurilmalarning mobil dasturlarini baholash va taqqoslash bo‘yicha mashhur AnTuTu saytida yangi Samsung Galaxy S6 smartfoni haqida ham ma’lumot paydo bo‘ldi.

AnTuTu saytidagi Galaxy S6 smartfoni Yevropa uchun mo‘ljallangan SM-G925F modeli bo‘lib, u boshqa mintaqalar uchun mo‘ljallangan versiyalaridan katta farq qilmaydi.

Ma’lumotlarga ko‘ra, Samsung Galaxy S6 smartfonida 5,5 dyuym 1440×2560 pikselli Quad HD displey, 5 megapikselli old va 20 megapikselli orqa kamera, 64 bit, sakkiz yadroli Exynos 7420 protsessori, ARM Mali-760 videokartasi, 3 Gb tezkor va 32 Gb ichki xotira, Android 5.0 Lollipop operatsion tizimi o‘rnatilgan bo‘lishi kutilmoqda.

Shuningdek, “Parol” nashrida quyidagi maqolalarni ham o‘qishingiz mumkin:

• Sony kompaniyasining suv ostida joylashgan do‘koni ish boshladi (foto);
• Apple iPhone 6 Plus’da tasvirga oladigan professional fotograf maslahatlari va suratlari bilan tanishing.