“Krasnodar”da Odil Ahmedovning 1,7 million yevro olishi ma’lum qilindi

Rossiyaning “Sports.ru” sayti mamlakat chempionatida ishtirok etuvchi klublardagi eng ko‘p maosh oladigan futbolchilar ro‘yxatini tuzib chiqdi. Unga ko‘ra “Zenit” hujumchisi Xalk yiliga 7 million yevro maosh bilan birinchi o‘rinni egalladi, deb xabar bermoqda “Uff.uz”.

E’tiborli tomoni, “Krasnodar” jamoasi sharafini himoya qilayotgan O‘zbekiston milliy terma jamoasi a’zosi Odil Ahmedov yiliga 1,7 million yevro maosh bilan ushbu ro‘yxatda 62-o‘rinda bormoqda.

Qayd etilishicha, ushbu ro‘yxatda tegishli soliqlar chiqarib tashlanganda futbolchining qo‘liga tegadigan “toza” mablag‘lar ko‘rsatib o‘tilgan. G‘alaba va boshqa yutuqlar uchun beriladigan qo‘shimcha mukofot pullari bu yerda ko‘rsatilmagan.

Ushbu ro‘yxat futbolga yaqin bo‘lgan insonlar — klub menejerlari, agentlar va futbolchilarning o‘zlari taqdim qilgan ma’lumotlar asosida tuzilgan.

Rossiya chempionatida ishtirok etuvchi klublardagi eng ko‘p maosh oladigan futbolchilar ro‘yxati:

1. Xalk “Zenit” — 7 million yevro2. Kevin Kuranyi “Dinamo” — 5,7 million yevro3. Aleksandr Kokorin “Dinamo” — 5 million yevro4. Esekiel Garay “Zenit” — 5 million yevro5. Xavi Garsiya “Zenit” — 4,5 million yevro6. Vedran Chorluka “Lokomotiv” — 4,4 million yevro7. Igor Denisov “Dinamo” — 4 million yevro8. Yuriy Jirkov “Dinamo” — 4 million yevro9. Aksel Vitsel “Zenit” — 4 million yevro10. Mubarak Bussufa “Lokomotiv” — 3,9 million yevro...61. Aleksandr Byuttner “Dinamo” — 1,7 million yevro62. Odil Ahmedov “Krasnodar” — 1,7 million yevro...68. Vasiliy Berezutskiy “SSKA” — 1,6 million yevro69. Aleksey Berezutskiy “SSKA” — 1,6 million yevro...77. Alan Dzagoyev “SSKA” — 1,5 million yevro