Россиянинг «Sports.ru» сайти мамлакат чемпионатида иштирок этувчи клублардаги энг кўп маош оладиган футболчилар рўйхатини тузиб чиқди. Унга кўра «Зенит» ҳужумчиси Халк йилига 7 миллион евро маош билан биринчи ўринни эгаллади, деб хабар бермоқда «Uff.uz».
Эътиборли томони, «Краснодар» жамоаси шарафини ҳимоя қилаётган Ўзбекистон миллий терма жамоаси аъзоси Одил Аҳмедов йилига 1,7 миллион евро маош билан ушбу рўйхатда 62-ўринда бормоқда.
Қайд этилишича, ушбу рўйхатда тегишли солиқлар чиқариб ташланганда футболчининг қўлига тегадиган «тоза» маблағлар кўрсатиб ўтилган. Ғалаба ва бошқа ютуқлар учун бериладиган қўшимча мукофот пуллари бу ерда кўрсатилмаган.
Ушбу рўйхат футболга яқин бўлган инсонлар — клуб менежерлари, агентлар ва футболчиларнинг ўзлари тақдим қилган маълумотлар асосида тузилган.
Россия чемпионатида иштирок этувчи клублардаги энг кўп маош оладиган футболчилар рўйхати:
1. Халк «Зенит» — 7 миллион евро2. Кевин Кураньи «Динамо» — 5,7 миллион евро3. Александр Кокорин «Динамо» — 5 миллион евро4. Эсекиэль Гарай «Зенит» — 5 миллион евро5. Хави Гарсия «Зенит» — 4,5 миллион евро6. Ведран Чорлука «Локомотив» — 4,4 миллион евро7. Игорь Денисов «Динамо» — 4 миллион евро8. Юрий Жирков «Динамо» — 4 миллион евро9. Аксел Витцель «Зенит» — 4 миллион евро10. Мубарак Буссуфа «Локомотив» — 3,9 миллион евро...61. Александр Бюттнер «Динамо» — 1,7 миллион евро62. Одил Аҳмедов «Краснодар» — 1,7 миллион евро...68. Василий Березуцкий «ЦСКА» — 1,6 миллион евро69. Алексей Березуцкий «ЦСКА» — 1,6 миллион евро...77. Алан Дзагоев «ЦСКА» — 1,5 миллион евро
Изоҳ (0)