Buxoro viloyatida 184 ta jinoyat fosh etildi

Joriy yilning shu davrigacha Buxoro viloyati IIB PPX va JTSB patrul-post xizmati batalyoni xodimlari ishtirokida 184 ta jinoyat fosh etildi, deb xabar bermoqda O‘zbekiston Respublikasi Ichki ishlar vazirligining “Postda” gazetasi.

Mazkur jinoyatlardan 30 tasi bevosita PPX xodimlari tomonidan ochilgan bo‘lsa, yana 30 tasi ularning tashabbusi bilan aniqlandi. Bundan tashqari, qidiruvda yurgan 10 nafar, bedarak yo‘qolgan bir nafar shaxs aniqlanib, ichki ishlar idoralariga topshirildi.

Ana shunday ko‘rsatkichlarga erishishda jonbozlik ko‘rsatgani uchun bir guruh xodimlar PPX batalyoni komandiri tomonidan rag‘batlantirildi.