AQShda 11 yil davomida qidirilgan qotil Facebook orqali topildi
Los-Anjeles shahri politsiya departamenti Amerika Qo‘shma Shtatlarida eng ko‘p qidirilayotgan jinoyatchilarni Facebook orqali kuzatib topdi, deb xabar bermoqda “Rossiyskaya gazeta”.
To‘rtta qotillikni sodir etganlikda shubhalanilayotgan 35 yoshli Eduardo Rodrigez 11 yil davomida politsiyadan qochib yurgan edi. Qidiruv davomida politsiya xodimi ijtimoiy tarmoqdan jinoyatchining do‘stlarini qidirib ko‘rgan va ular orasidagi bir qizning sahifasida Rodrigezga juda o‘xshaydigan odamning suratiga ko‘zi tushgan. Politsiya qizning manzilini topib, gumondor paydo bo‘lishini kutib uyni kuzata boshlagan.
Politsiya hibsga olayotganda u na qarshilik ko‘rsatgan, na shaxsini yashirgan. U boshqa ismlar bilan yashaganini ham tan olgan. Eduardo Rodrigez nomi bilan sud qilingan jinoyatchining asl ismi Xuan Karlos Kampes Gamino bo‘lgan.
