Saudiya Arabistonidagi to‘yda kuyov kelinning yuzini birinchi marta ko‘rib, darhol ajrashishga qaror qildi

Saudiya Arabistonidagi to‘y marosimida kuyov kelinni birinchi marta ko‘rib, uning tashqi ko‘rinishidan hafsalasi pir bo‘ldi va darhol ajrashishga qaror qildi. Bu haqda “Segodnya” xabar bermoqda.

Madina shahridan bo‘lgan ushbu juftlik Yaqin Sharqda tarqalgan an’ana bo‘yicha kelishgan holda turmush qurgan va kelin-kuyov bir-birini ko‘rmagan.

Nikoh marosimi vaqtida fotosuratchi rasmga tushirish uchun qizdan to‘r ro‘molini yuzidan olishni so‘ragan. Shu payt kuyov uni umrida birinchi bor ko‘rib, o‘rnidan sakrab turgan va qizga uylanishni istamasligini aytgan. “Sen mening tasavvurimdagi qiz emassan. Kechir, lekin sen bilan ajrashaman”, — degan u.

Shundan so‘ng to‘y marosimi to‘xtatildi.