Лос-Анжелес шаҳри полиция департаменти Америка Қўшма Штатларида энг кўп қидирилаётган жиноятчиларни Facebook орқали кузатиб топди, деб хабар бермоқда «Российская газета».
Тўртта қотилликни содир этганликда шубҳаланилаётган 35 ёшли Эдуардо Родригез 11 йил давомида полициядан қочиб юрган эди. Қидирув давомида полиция ходими ижтимоий тармоқдан жиноятчининг дўстларини қидириб кўрган ва улар орасидаги бир қизнинг саҳифасида Родригезга жуда ўхшайдиган одамнинг суратига кўзи тушган. Полиция қизнинг манзилини топиб, гумондор пайдо бўлишини кутиб уйни кузата бошлаган.
Полиция ҳибсга олаётганда у на қаршилик кўрсатган, на шахсини яширган. У бошқа исмлар билан яшаганини ҳам тан олган. Эдуардо Родригез номи билан суд қилинган жиноятчининг асл исми Хуан Карлос Кампес Гамино бўлган.
Изоҳ (0)