Toshkentning Yunusobod tumanida tuman kommunal xizmatlarining kuz-qish mavsumiga tayyorgarligini tekshirish, ro‘y berishi mumkin bo‘lgan favqulodda vaziyatlar oqibatlarini bartaraf etishda harakat qilishni puxta o‘rganishga qaratilgan qo‘mondonlik-shtab o‘quv mashqlari boshlandi. Bu haqda O‘zA xabar bermoqda.
O‘zbekiston Respublikasi Favqulodda vaziyatlar vazirligi va Yunusobod tumani hokimligi tomonidan tashkil etilgan o‘quv mashqlari hamda tezkor shtab ishida to‘qsondan ortiq turli vazirlik va idoralarning xodimlari ishtirok etmoqda.
Qo‘mondonlik-shtab o‘quv mashqlari doirasida har bir ishtirokchiga Yunusobod tumanidagi alohida uchastka biriktirildi. Shtab ishi davomida ular har kuni tuman ko‘cha va mahallalarini ko‘zdan kechiradi. Bundan tashqari, kommunal xizmatlarga ham alohida topshiriqlar berildi. Ular aniqlangan muammoli uchastkalarda ta’mirlash-qayta tiklash ishlarini amalga oshirib, bajarilgan ishlar haqida hisobot taqdim etadi.
Tezkor shtab ishining birinchi kunida shahar kommunal xizmatlari foydalanayotgan maxsus avtotexnikalar – qurilish kranlari, buldozer, chiqindi tashish mashinasi, traktor, “Tez yordam” mashinalari, shuningdek, turli texnik vositalar bilan jihozlangan maxsus transportlar namoyish etildi.
Izoh (0)