O‘zbekiston, Qirg‘iziston va Tojikiston meteorologlari muzliklar holatini yanada aniqroq monitoring qilish uchun ularni birgalikda balandlikdan suratga olishi kerak. Bu haqda O‘zbekiston Tabiatni muhofaza qilish davlat qo‘mitasi mutaxassisi Muhammadjon Xo‘jayev aytib o‘tdi, deb yozadi “RIA Novosti” mahalliy OAVlarga tayanib.
“2000-yildan hozirgacha Tojikiston va Qirg‘izistonda havo razvedkasi o‘tkazilmagan, natijada muzliklar holati haqida aniq ma’lumotlar mavjud emas. Shu tufayli vaziyatlarni prognoz qilish maqsadida o‘zbek tomoni hamkorlikda muzliklar aerosyomkasini o‘tkazishni taklif qiladi”, — dedi Xo‘jayev.
Mutaxassisning ta’kidlashicha, O‘zbekiston hududi bo‘ylab olingan ma’lumotlar isishga qat’iy moyillikni ko‘rsatmoqda. So‘nggi 50 yil ichida O‘zbekistondagi havo harorati 1,5 darajaga oshdi. Havo namligi darajasi ko‘tarilib, atmosfera shaffofligi kamayib bormoqda. Atmosfera bosimining keskin tushib ketish hollari ko‘paygan, 23% ko‘rsatkichda muzliklar erib ketgan.
Izoh (0)