Yangi Windows 10 operatsion tizimi barcha Windows Phone 8 qurilmalari uchun foydalanishga topshiriladi

Barcha Windows Phone 8 qurilmalariga Windows 10 operatsion tizimining mobil qurilmalar uchun mo‘ljallangan turi foydalanishga topshiriladi. Bu haqda The Verge ma’lumotiga asoslanib “Parol” nashri xabar berdi.

Microsoft kompaniyasi 30-sentabr kuni yangi Windows 10 operatsion tizimini taqdim etgan edi. Biroq hali u foydalanishga topshirilmadi. Taqdimot paytidagi taxminlarga ko‘ra, ushbu operatsion tizim keyingi yilning ikkinchi yarmida foydalanishga topshiriladi.

Windows Phone 8 operatsion tizimi ishlab chiqilganda, Windows Phone 7’dan unga o‘tish biroz qiyin bo‘lgan edi. Bunga texnik sabablar va operatsion tizimlarning turli xilligi sabab bo‘lgan. Ammo Windows Phone 8 va Windows 10 deyarli bir xil, shu bois yangi versiyaga o‘tish foydalanuvchilar uchun qiyinchilik keltirib chiqarmaydi.

Shuningdek, “Parol” nashrida quyidagi maqolalarni ham o‘qishingiz mumkin:

• Oshxona uchun mo‘ljallangan qiziqarli gadjetlar (foto);
• Sharp kompaniyasi hayratlanarli darajadagi displeyni taqdim etdi;
• Joriy yilning uchinchi choragidagi eng yaxshi smartfonlar o‘nligi e’lon qilindi.