Янги Windows 10 операцион тизими барча Windows Phone 8 қурилмалари учун фойдаланишга топширилади

Барча Windows Phone 8 қурилмаларига Windows 10 операцион тизимининг мобил қурилмалар учун мўлжалланган тури фойдаланишга топширилади. Бу ҳақда The Verge маълумотига асосланиб «Пароль» нашри хабар берди.

Microsoft компанияси 30 сентябрь куни янги Windows 10 операцион тизимини тақдим этган эди. Бироқ ҳали у фойдаланишга топширилмади. Тақдимот пайтидаги тахминларга кўра, ушбу операцион тизим кейинги йилнинг иккинчи ярмида фойдаланишга топширилади.

Windows Phone 8 операцион тизими ишлаб чиқилганда, Windows Phone 7’дан унга ўтиш бироз қийин бўлган эди. Бунга техник сабаблар ва операцион тизимларнинг турли хиллиги сабаб бўлган. Аммо Windows Phone 8 ва Windows 10 деярли бир хил, шу боис янги версияга ўтиш фойдаланувчилар учун қийинчилик келтириб чиқармайди.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Ошхона учун мўлжалланган қизиқарли гаджетлар (фото);
• Sharp компанияси ҳайратланарли даражадаги дисплейни тақдим этди;
• Жорий йилнинг учинчи чорагидаги энг яхши смартфонлар ўнлиги эълон қилинди.