O‘zbekistonda Alcatel One Touch Idol 2 Mini S smartfoni 750 ming so‘mdan sotila boshlandi

Toshkent shahridagi “Fleshka” savdo majmuasida yangi Alcatel One Touch Idol 2 Mini S smartfoni 750 000 so‘mdan sotila boshlandi. Bu haqda Mobinfo.uz ma’lumotiga asoslanib “Parol” nashri xabar berdi.

Ushbu smartfonda 4,5 dyuym 540×960 pikselli displey, 1,2 GGs chastotaga ega to‘rt yadroli protsessor, 1 Gb tezkor va 8 Gb ichki xotira (+MicroSD), 2 megapikselli old va 8 megapikselli orqa kamera, Bluetooth 4.0, Wi-Fi, Android 4.3 operatsion tizimi o‘rnatilgan.

U 4G LTE modulida ishlaydi. Batareyasining quvvati 2000 mA·soatni tashkil etadi. Bu esa smartfonning 9 soat gaplashish rejimida, 400 soat kutish rejimida ishlashi uchun yetadi. Uning o‘lchamlari 63,5×129,5×8,5 millimetrni, og‘irligi esa 116 grammni tashkil etadi.

Shuningdek, “Parol” nashrida quyidagi maqolalarni ham o‘qishingiz mumkin:

• Twitter foydalanuvchilari uch oyda 185 milliarddan ortiq tvit yozishadi;
• 12-noyabr holatiga ko‘ra bepul va arzonlashtirilgan dasturlar e’lon qilindi;
• Android qurilmangizda surat chizish uchun o‘nta eng yaxshi dastur bilan tanishing.