Kreml Rossiya va AQSh prezidentlari Pekindagi Osiyo-Tinch okeani iqtisodiy hamkorlik sammiti doirasida uchrashishi mumkinligini istisno qilmayapti. Bu haqda “TASS” xabar berdi.
“Bunday yirik tadbirlar doirasida odatda jadal muzokaralar olib boriladi, shu tufayli Putin va Obama uchrashuvini istisno qilib bo‘lmaydi”, — dedi Rossiya davlat rahbari matbuot kotibi Dmitriy Peskov.
Avvalroq Amerika ma’muriyati vakili Vashingtondagi brifingda Obamaning Osiyo-Tinch okeani iqtisodiy hamkorligi va G20 sammiti doirasida Rossiya yetakchisi bilan norasmiy suhbat uyushtirishga umid qilayotgani haqida aytgan edi.
OTIH mamlakatlari rahbarlari uchrashuvi Pekinda 10—11-noyabr kunlari, “yigirmalik” majlisi esa 15—16-noyabr kunlari Avstraliyaning Brisben shahrida bo‘lib o‘tadi.
Izoh (0)