AQSh prezidenti Barak Obama Amerika Milliy basketbol assotsiatsiyasining “Chikago” jamoasi tarkibida o‘ynab mashhurlikka erishgan Maykl Jordanning haqoratlariga javob berdi. Bu haqda Gazeta.ru xabar qilmoqda.
“O‘ylashimcha, Maykl o‘zi qatnashayotgan shou reytingini ko‘tarish uchungina shu tarzda o‘z fikrini bayon qildi. Shubhasiz, Maykl golfni mendan yaxshiroq o‘ynaydi. Agar so‘nggi 15 yil ichida kuniga ikki martadan mashq qilganimda, albatta imkoniyatlarim ko‘proq bo‘lardi”, — dedi Obama.
Eslatib o‘tamiz, Maykl Jordan AQSh prezidenti Barak Obamani qobiliyatsiz golfchi deb atagan edi. “Obama bilan hech golf o‘ynamaganman, lekin yo‘q demagan bo‘lardim. Uni osongina yutardim. Uni noqobil siyosatchi demoqchi emasman, lekin undan yaxshi golfchi chiqmaydi”, — degandi Jordan Back 9 Network telekanali efirida.
Izoh (0)