Jamiyat, shu jumladan tarixchilar axborot makonida Rossiya pozitsiyasini o‘zlari yoqlashi kerak, davlatning vazifasi esa bu yerda — buning uchun zarur yordamni ko‘rsatishdan iborat. Bu haqda Vladimir Putin yosh olimlar va tarix o‘qituvchilari bilan uchrashuvda aytib o‘tdi, deb yozadi “RIA Novosti”.
Suhbat chog‘ida prezidentga internetda Rossiya tarixi haqida soxta ma’lumotlarni beruvchi axborot manbalariga qarshi qanday kurashish mumkinligi haqida savol berildi.
“Asl jinoiy tavsifga ega bo‘lgan narsalardan tashqari, hech narsani taqiqlash kerak emas. Jinoyat deb hisoblanmaydigan, biroq salbiy xususiyat kasb etadigan holatlarda esa kurashishning yo‘li bitta: yanada asosliroq bo‘lgan va yorqinroq ifodalangan nuqtai nazarni qarshi qo‘yishdir”, — dedi Putin.
Izoh (0)