Qarshi shahrida “Nasaf” futbol klubi o‘rinbosarlarining yangi o‘quv-mashg‘ulot bazasi ochilishiga bag‘ishlangan tadbir o‘tkazildi. Bu haqda O‘zbekiston Milliy axborot agentligi xabar bermoqda.
O‘zbekiston futbol federatsiyasi mutasaddilari, futbol maktablari rahbarlari, sportchilar hamda keng jamoatchilik vakillari ishtirok etgan tadbirda Prezident Islom Karimov rahnamoligida futbol, xususan, bolalar futbolini yanada rivojlantirish, futbol maktab va klublari moddiy-texnik bazasini mustahkamlash, xalqaro maydonda O‘zbekiston sharafini munosib himoya qilishga qodir yoshlarni tarbiyalashga ulkan e’tibor qaratilayotgani alohida ta’kidlandi.
Tadbir ishtirokchilari “Nasaf”ning yangi o‘quv-mashg‘ulot bazasida yaratilgan shart-sharoitlar bilan yaqindan tanishdi.
Ushbu klub tarbiyalanuvchilari mamlakat va xalqaro miqyosda o‘tkazilayotgan turnirlarda g‘olib va sovrindorlar qatoridan joy olib kelmoqda. O‘tgan yili mazkur maktabning 2000-yilda tug‘ilgan bolalardan tarkib topgan jamoasi Ukrainada o‘tkazilgan xalqaro turnirda bosh sovrinni qo‘lga kiritgani bunga misoldir.
Izoh (0)