FIFA “Yilning eng yaxshi murabbiyi” tanloviga kiritilgan nomzod murabbiylarni e’lon qildi

FIFA 2014-yilning eng yaxshi murabbiyi unvoniga nomzod bo‘lgan mutaxassislar ro‘yxatini e’lon qildi, deb xabar bermoqda Stadion.uz.

Terma jamoalar bosh murabbiylari va sardorlari, shuningdek, France Football tomonidan tanlab olingan jurnalistlar aynan mana shu kengaytirilgan ro‘yxatdagilarga ovoz berishlari lozim. Mazkur 11 kishilik ro‘yxat FIFA va France Football ekspertlari tomonidan tuzilgan.

“Yilning eng yaxshi murabbiyi” unvoni uchun da’vogar mutaxassislar ro‘yxati

Karlo Anchelotti (Italiya / “Real”), Antonio Konte (Italiya / “Yuventus” / Italiya terma jamoasi), Pep Gvardiola (Ispaniya /“Bavariya”), Yurgen Klinsmann (Germaniya /AQSh terma jamoasi), Yoaxim Lyov (Germaniya / Germaniya terma jamoasi), Joze Mourinyu (Portugaliya / “Chelsi”), Manuel Pellegrini (Chili / “Manchester Siti”), Alexandro Sabella (Argentina / Argentina terma jamoasi), Diyego Simeone (Argentina / “Atletiko” Madrid), Lui van Gal (Gollandiya / Gollandiya terma jamoasi / “Manchester Yunayted”).

1-dekabr kuni qisqartirilgan ro‘yxat (3 nafar) e’lon qilinsa, sovrin 12-yanvar kuni tantanali marosimda topshiriladi.