“Parol” nashri 12-oktabr holatiga ko‘ra Toshkent shahridagi “Fleshka” savdo majmuasida sotilayotgan HTC smartfonlarining narxlarini e’lon qildi. Unga ko‘ra O‘zbekistonda sotilayotgan eng qimmat HTC smartfoni One (M8) gadjeti deb topildi. Ushbu smartfon “Fleshka” savdo majmuasida 1 740 000 so‘mdan sotilmoqda.
HTC One (M8) smartfonida 5 dyuym 1080×1920 pikselli displey, 2 Gb tezkor va 16 Gb ichki xotira (+MicroSD), Wi-Fi, Bluetooth 4.0, USB 2.0, 5 megapikselli old va ikkita 4 megapikselli orqa kamera, Android 4.4.2 operatsion tizimi, 2,3 GGs chastotaga ega to‘rt yadroli Snapdragon 801 va Adreno 330 protsessorlari, 2600 mA·soat quvvatga ega batareya o‘rnatilgan.
HTC One (M8) smartfonidan keyin eng qimmat deya 1 560 000 so‘mdan sotilayotgan One (E8) va 1 200 000 so‘m narxdagi One Mini 2 smartfonlari qayd etilgan.
O‘zbekistonda sotilayotgan barcha eng qimmat HTC smartfonlari va ularning narxlari bilan “Parol” nashrining ushbu maqolasida tanishishingiz mumkin. Shuningdek, nashr O‘zbekistonda sotilayotgan eng arzon HTC smartfonlarining narxlarini ham e’lon qilgan.
Izoh (0)