Buyuk Britaniyaning Joan Rouling kitoblarini chop etgan Bloomsbury nashriyoti o‘zining rasmiy sayti orqali ilk bor “Garri Potter kitob oqshomi” (Harry Potter Book Night) o‘tkazilishini e’lon qildi. Mazkur oqshom Buyuk Britaniyada 2015-yil 5-fevral kuni bo‘lib o‘tadi.
Nashriyot maktablar, kitob do‘konlari, kutubxonalar va jamoat birlashmalarini mazkur sanada yosh sehrgarga bag‘ishlangan tadbirlar o‘tkazishga chaqirmoqda.
Bloomsbury’da qayd etilishicha, aksiya uchun maxsus to‘plam yaratilib, u taklifnomalar, tadbirlar plakatlari, o‘yinlar va viktorinalardan iborat bo‘ladi. Shuningdek, to‘plam orqali xonalarni jihozlash bo‘yicha g‘oyalar ham taqdim etiladi. Mazkur to‘plamni qo‘lga kiritish uchun muassasa vakillari nashriyot saytidan 28-noyabrdan kechikmagan holda ro‘yxatdan o‘tishi zarur.
Mazkur aksiya doirasida London va Buyuk Britaniya atrofidagi ayrim hududlarda ommaviy tadbirlar, shuningdek, maktab o‘quvchilari uchun musobaqalar tashkil etiladi.
Izoh (0)