Буюк Британиянинг Жоан Роулинг китобларини чоп этган Bloomsbury нашриёти ўзининг расмий сайти орқали илк бор «Гарри Поттер китоб оқшоми» (Harry Potter Book Night) ўтказилишини эълон қилди. Мазкур оқшом Буюк Британияда 2015 йил 5 февраль куни бўлиб ўтади.
Нашриёт мактаблар, китоб дўконлари, кутубхоналар ва жамоат бирлашмаларини мазкур санада ёш сеҳргарга бағишланган тадбирлар ўтказишга чақирмоқда.
Bloomsbury’да қайд этилишича, акция учун махсус тўплам яратилиб, у таклифномалар, тадбирлар плакатлари, ўйинлар ва викториналардан иборат бўлади. Шунингдек, тўплам орқали хоналарни жиҳозлаш бўйича ғоялар ҳам тақдим этилади. Мазкур тўпламни қўлга киритиш учун муассаса вакиллари нашриёт сайтидан 28 ноябрдан кечикмаган ҳолда рўйхатдан ўтиши зарур.
Мазкур акция доирасида Лондон ва Буюк Британия атрофидаги айрим ҳудудларда оммавий тадбирлар, шунингдек, мактаб ўқувчилари учун мусобақалар ташкил этилади.
Изоҳ (0)