Phonearena.com sayti kuzgi mavsumda sotila boshlanadigan yoki boshlangan yangi smartfonlardan qaysi biri ko‘proq ma’qul ko‘rilishi haqida so‘rovnoma o‘tkazdi. Bu haqda “Parol” nashri xabar berdi.
So‘rovnomada jami 7872 nafar kishi ishtirok etgan bo‘lsa, ularning 54,97 foizi – 4327 nafar kishi BlackBerry Passport smartfonini xarid qilish istagini bildirgan. Keyingi o‘rinni esa 11,2 foiz ovoz bilan Samsung Galaxy Note 4 planshetofoni band etgan bo‘lsa, uchinchi o‘rinni hali taqdim ham etilmagan, ammo ushbu so‘rovnomada ovoz berganlarning 6,48 foizi tomonidan kutilayotgan Nexus 6 smartfoni egallagan.
To‘liq ro‘yxat bilan esa quyida tanishishingiz mumkin:
- BlackBerry Passport – 4327;
- Samsung Galaxy Note 4 – 882;
- Nexus 6’ni kutaman – 510;
- Sony Xperia Z3 Compact – 432;
- Apple iPhone 6 – 425;
- Sony Xperia Z3 – 402;
- Motorola Moto X – 288;
- Apple iPhone 6 Plus – 276;
- Samsung Galaxy Note Edge – 132;
- Huawei Ascend Mate 7 – 110;
- Samsung Galaxy Alpha – 88 ovoz.
Izoh (0)