Germaniyaga Afrikadan Ebola virusi bilan kasallangan ikkinchi kishi olib kelindi, deb xabar bermoqda Euronews. U Syerra-Leonedagi italyan gumanitar tashkilotlaridan birida ishlagan ugandalik shifokor bo‘lib, uni o‘ta kuchli xavfsizlik choralari ko‘rilgan holda Frankfurtdagi universitet klinikasiga olib kelingan.
Avgust oyi oxiridan boshlab Gamburgdagi shifoxonada Ebola virusi bilan Syerra-Leoneda kasallangan yana bir kishi – Jahon sog‘liqni saqlash tashkilotining senegallik eksperti ham davolanmoqda, biroq uning ahvoli haqida ma’lumot berilmayapti.
“Italyan nodavlat tashkiloti Jahon sog‘liqni saqlash tashkilotidan bemorni Germaniyada davolatish uchun ruxsat olishni so‘ragan. “Germaniya Tashqi ishlar vazirligi bizdan bunday imkoniyat bor-yo‘qligini so‘radi. Biz ijobiy javob qaytardik”, − dedi Germaniya sog‘liqni saqlash vaziri.
Izoh (0)