Германияга Африкадан Эбола вируси билан касалланган иккинчи киши олиб келинди, деб хабар бермоқда Euronews. У Сьерра-Леонедаги итальян гуманитар ташкилотларидан бирида ишлаган угандалик шифокор бўлиб, уни ўта кучли хавфсизлик чоралари кўрилган ҳолда Франкфуртдаги университет клиникасига олиб келинган.

Август ойи охиридан бошлаб Гамбургдаги шифохонада Эбола вируси билан Сьерра-Леонеда касалланган яна бир киши – Жаҳон соғлиқни сақлаш ташкилотининг сенегаллик эксперти ҳам даволанмоқда, бироқ унинг аҳволи ҳақида маълумот берилмаяпти.

«Итальян нодавлат ташкилоти Жаҳон соғлиқни сақлаш ташкилотидан беморни Германияда даволатиш учун рухсат олишни сўраган. «Германия Ташқи ишлар вазирлиги биздан бундай имконият бор-йўқлигини сўради. Биз ижобий жавоб қайтардик», − деди Германия соғлиқни сақлаш вазири.