Hindiston kosmik tadqiqotlar instituti Mangalyaan kosmik apparati yordamida Mars sayyorasida yuzasining ilk suratlarni Yerga jo‘natdi. Bu haqda Newsru.com’ga tayanib Uzbekistan Today xabar bermoqda.
Tashkilotning ijtimoiy tarmoqlardagi sahifalarida chiqarilgan suratlar 7,3 kilometr balandlikdan olingan bo‘lib, ularda sayyoraning qizg‘ish yuzasi va qora chuqurliklar ko‘rinib turadi.
2013-yil noyabr oyida Yerdan uchirilgan va 2014-yil 24-sentabrida Mars orbitasiga kirgan Mangalyaan kosmik apparati evaziga Hindiston qizil sayyorada tadqiqot olib borishga muvaffaq bo‘lgan to‘rtinchi ishtirokchi bo‘ldi. Bungacha faqatgina AQSh, SSSR va Yevropa Ittifoqi Marsda muvaffaqiyatli missiyalar amalga oshirgan.
Kosmik apparat Twitter’da o‘zining alohida sahifasiga ega bo‘lib, hozirda 90 mingdan ortiq o‘quvchiga ega. Orbitaga chiqqan apparat Curiosity marsoxodi bilan salomlashib, aloqani saqlashni taklif qilgan. Marsoxod ham an’anaviy hindcha salomlashish −“Namaste” deb javob qaytarib, apparatni Mars orbitasiga kirgani bilan tabriklagan.
Izoh (0)