Brunettes Shoot Blonde nomli ukrainalik guruh Apple qurilmalari displeyidan foydalanib klip suratga oldi. Video va animatsiya ishlari bilan esa SYT-X dizayn-studiyasi shug‘ullangan. Bu haqda LookAtMe ma’lumotiga asoslanib “Parol” nashri xabar berdi.
Knock Knock musiqasiga ishlangan ushbu klipda oltita iPhone smartfoni, to‘rtta iPad plansheti, bitta iPod touch musiqa pleyeri va uchta MacBook noutbuklaridan foydalanilgan.
Video mualliflarining ta’kidlashicha, klip bir martaning o‘zida olingan va hech qanday montaj ishlari qilinmagan. Ushbu video 17-sentabrda YouTube’ga joylangan bo‘lsa, bir haftadan kam muddat ichida uni bir million martadan ortiq tomosha qilishgan.
Izoh (0)