Davlat va hukumat rahbarlari darajasidagi Ukraina — NATO komissiyasining birgalikdagi bayonoti ma’lum qilindi. Unda Ukrainani qo‘llab-quvvatlash va uning xavfsizligini kuchaytirish e’lon qilindi. Bu haqda Korrespondent.net xabar berdi.
“Biz bugun uchrashayotgan paytda Rossiya Ukraina suvereniteti, yaxlitligi va mustaqilligini buzmoqda. Rossiya buni inkor etayotgan bo‘lsa-da, rus qurolli kuchlari Ukrainadagi bevosita harbiy operatsiyalarda ishga solinmoqda; Rossiya Ukraina sharqidagi jangarilarga qurol yetkazib berishda davom etmoqda; U o‘zining Ukraina bilan chegarasida minglab jangga shay qo‘shinlarini saqlamoqda. Voqealarning bunday rivoji Ukraina xavfsizligiga tahdid soladi hamda butun Yevroatlantika mintaqasi barqarorligi va xavfsizligi uchun jiddiy oqibatlarni keltirib chiqaradi”, — deyiladi bayonotda.
Davlat va hukumat rahbarlari Ukraina suvereniteti va hududiy yaxlitligini hamjihatlik bilan qo‘llab-quvvatlashini bildirdi. Bayonotda shuningdek “Qrimning noqonuniy ravishda ‘bosib olinishi’” hamda Ukraina sharqidagi vaziyatning Rossiya tomonidan ataylab beqarorlashtirilishi qoralanadi.
Bayonotda ta’kidlanishicha, NATO mamlakatlari Qrimning bosib olinishini tan olmaydi.
“Rossiya sharqiy Ukrainadagi jangarilarni qo‘llab-quvvatlashni to‘xtatishi, Ukraina chegarasi bo‘ylab o‘z harbiy harakatlarini bas qilishi va qo‘shinlarini olib ketishi, shuningdek Ukrainaga nisbatan har qanday tajovuzdan o‘zini tiyishi kerak. Ittifoqdoshlar Rossiyaning Ukraina hududidagi har qanday bir tomonlama harbiy yoki vayronkorona xatti-harakatlariga xalqaro huquqning buzilishi deb qaraydi”, — deya qayd etildi bayonotda.
Izoh (0)