Motorola kompaniyasi 5,2 dyuym displeyli Moto X smartfonini taqdim etdi. Bu haqda Mashable ma’lumotiga asoslanib “Parol” nashri xabar berdi.
Ushbu smartfonda Full HD AMOLED displey, 2 megapikselli old va 13 megapikselli orqa kamera, 2,5 GGs chastotaga ega to‘rt yadroli protsessor, 2 Gb tezkor va 16 yoki 32 Gb ichki xotira, 2300 mA·soat quvvatga ega batareya o‘rnatilgan. Smartfon Android 4.4 KitKat operatsion tizimi va LTE modulida ishlaydi. Xabar qilinishicha, Moto X yaqinda taqdim etilishi kutilayotgan Android L versiyasida ham ishlay oladi.
Shuningdek, kompaniya smartfon uchun Best Picture funksiyasini ham taqdim etdi. Ushbu funksiya smartfon kamerasida olingan bir qancha suratlar orasidan eng yaxshini tanlab beradi. Yangi Moto X smartfoni 499 dollardan sotiladi.
Shu bilan birga, Motorola kompaniyasi ikkita toshchaga o‘xshash va smartfonga simsiz bog‘lanadigan Moto Hint quloqchinini taqdim etdi hamda uzoq kutilgan Moto 360 aqlli soatining ham sotuvini boshladi.
Izoh (0)