LG kompaniyasi yangi G Watch R nomli aqlli soatini taqdim etdi. Bu haqda Phonearena.com sayti ma’lumotiga asoslanib “Parol” nashri xabar berdi.
Garchi uning narxi oshkor etilmagan bo‘lsa-da, LG Germany yangi aqlli soatni oktabrda 299 yevrodan sotishni boshlashi haqida ma’lumot bergan. Bu narx bilan LG G Watch R shu paytgacha ishlab chiqarilgan aqlli soatlar orasida eng qimmati bo‘ladi.
Qurilmaning ichki xususiyatlari kompaniyaning ilk aqlli soati – G Watch’dan farq qilmaydi. Biroq uning tashqi ko‘rinishi avvalgisidan ancha farqli. Unda 1,3 dyuymli aylana shaklidagi P-OLED displeyi o‘rnatilgan va dizayni odatiy qo‘l soatlariga o‘xshaydi.
Keyingi hafta LG kompaniyasi yangi aqlli soatining ko‘rgazmasini tashkil etadi.
Eslatib o‘tamiz, O‘zbekistonda sotilayotgan aqlli soatlarning narxlari bilan ushbu maqola orqali tanishishingiz mumkin.
Izoh (0)