Italiyada o‘g‘rilar Britaniya lordlar palatasi a’zosi 65 yoshli Aru Darzining qo‘liga taqilgan qimmatbaho soatni o‘g‘irlab ketdi. Bu haqda Mail Online xabar berdi.
Hodisa 14-iyul kuni Kapri kurort orolida yuz bergan. Ikki noma’lum shaxs lordning qo‘lidagi qimmatbaho soatni payqab qolib, uni yechib olgan. Shundan so‘ng o‘g‘rilar ko‘zdan g‘oyib bo‘lgan. Gap taxminan 200–250 ming yevro turadigan Richard Mille RM 07 modeli haqida ketmoqda.
O‘g‘rilik mashhur savdo ko‘chasida, Darzi do‘stlari bilan dam olayotgan yaxtadan chiqqanida sodir bo‘lgan. Politsiya hujum qilganlar kuzatuv kameralariga tushib qolganini ma’lum qilgan. O‘g‘rilikdan so‘ng ular orolning tor ko‘chalaridan yugurib ketayotganini, keyinroq esa motorli qayiqda suzib ketganini ko‘rish mumkin.
Kapri meri Paolo Falkoning aytishicha, talonchilik, katta ehtimol bilan, oldindan rejalashtirilgan bo‘lgan. U bunday hujum orolda kamdan kam uchrashini ta’kidlab, xavfsizlik choralarini kuchaytirishga va’da bergan.
Bu haqiqatan ham ko‘p yillardan beri sodir bo‘lmagan dahshatli hodisa, degan Falko.
Ta’kidlanishicha, o‘g‘rilik oqibatida lord Ara Darzining o‘zi jarohat olmagan. U taniqli jarroh va professor bo‘lib, 2007-yilda Darzi unvoniga sazovor bo‘lgan va Buyuk Britaniya sog‘liqni saqlash vaziri lavozimida ishlagan.
Izoh (0)