Bugun, 20-avgust kuni Ozarbayjon hamda O‘zbekiston milliy terma jamoalari o‘rtasidagi o‘rtoqlik uchrashuvi bo‘lib o‘tadi. “Sport” telekanali mazkur o‘yinni to‘g‘ridan-to‘g‘ri namoyish etishni rejalashtirmoqda.
Avvalroq Bokudagi bahsning olib berilish-berilmasligi Ozarbayjonga bog‘liq ekanini qayd etgan edik.
“Sport” telekanalidagi manbamizning ma’lum qilishicha, hozirda bellashuvni Ozarbayjon telekanalidan olib taqdim etish rejaga kiritilgan bo‘lib, bu borada kerakli sa’y-harakatlar olib borilmoqda.
Uchrashuv Toshkent vaqti bilan 21:00 da boshlanadi. O‘yinga qadar rejalarga o‘zgartirish kiritilsa, avvalroq xabar beriladi.
Izoh (0)