O‘zbek estradasida o‘ziga xos yo‘nalishda ijod qiluvchi DJ Piligrim Lola uchun maxsus sovg‘alar tayyorlab, uni hadya etmoqda, deb xabar berdi Popcorn.uz.
Yaqinda poytaxtda o‘tgan “To‘ylar muborak” gala kechasi haqida ma’lumot bergan edik. Kechaga Dj Piligrim va Lola birgalikda kirib kelgan, bundan tashqari, ular bir stolda o‘tirib, barchaning diqqatini o‘zlariga tortgan edi.
Bu ikki yulduzning birgalikdagi tashrifi shou-biznesda shov-shuvlarga sabab bo‘ldi.
Ma’lum bo‘lishicha, DJ Piligrimning yangi taronasi aynan Lola uchun atalgan. “Yulduz” deya nomlangan qo‘shiqni DJ Piligrim Lolaga birgalikda kuylashni taklif qildi. Shou-biznesning ikki nafar mashhur yulduzi kuylaydigan duet shu kunlarda tayyor bo‘lib, muxlislarga taqdim etiladi.
Bu safargi duet tarona katta shov-shuvlarga sabab bo‘lsa, ajab emas. Sababi, ijodkorlaring ma’lum qilishicha, qo‘shiq kutilmagan yo‘nalishda bo‘ladi, bu esa muxlislarga albatta ma’qul keladi.
Lola ijtimoiy tarmoqlar orqali “Bu hali hammasi emas...”, — deya ta’kidlamoqda. Demak, barcha syurprizlar oldinda!
Izoh (0)