DJ Piligrim Лолага совғалар улашмоқда

Ўзбек эстрадасида ўзига хос йўналишда ижод қилувчи DJ Piligrim Лола учун махсус совғалар тайёрлаб, уни ҳадя этмоқда, деб хабар берди Popcorn.uz.

Яқинда пойтахтда ўтган «Тўйлар муборак» гала кечаси ҳақида маълумот берган эдик. Кечага DJ Piligrim ва Лола биргаликда кириб келган, бундан ташқари, улар бир столда ўтириб, барчанинг диққатини ўзларига тортган эди.

Бу икки юлдузнинг биргаликдаги ташрифи шоу-бизнесда шов-шувларга сабаб бўлди.

Маълум бўлишича, DJ Piligrim’нинг янги таронаси айнан Лола учун аталган. «Юлдуз» дея номланган қўшиқни DJ Piligrim Лолага биргаликда куйлашни таклиф қилди. Шоу-бизнеснинг икки нафар машҳур юлдузи куйлайдиган дуэт шу кунларда тайёр бўлиб, мухлисларга тақдим этилади.

Бу сафарги дуэт тарона катта шов-шувларга сабаб бўлса, ажаб эмас. Сабаби, ижодкорларинг маълум қилишича, қўшиқ кутилмаган йўналишда бўлади, бу эса мухлисларга албатта маъқул келади.

Лола ижтимоий тармоқлар орқали «Бу ҳали ҳаммаси эмас...», — дея таъкидламоқда. Демак, барча сюрпризлар олдинда!