O‘zbekiston erkaklar terma jamoasi shaxmat olimpiadasini 17-o‘rin bilan yakunladi

Kecha, 14-avgust kuni Norvegiyaning Tromse shahrida Butunjahon shaxmat olimpiadasi yakunlandi. So‘nggi turda hindistonlik shaxmatchilarga 3,5:0,5 hisobida imkoniyatni boy bergan O‘zbekiston erkaklar terma jamoasi yakunda qo‘shimcha ko‘rsatkichlarga ko‘ra, 17-o‘rin bilan kifoyalanishga majbur bo‘ldi. Bu haqda “Olamsport” xabar bermoqda.

Hindiston terma jamoasi 3-o‘rinni egallab, olimpiadaning bronza medaliga ega chiqdi. So‘nggi turga qadar O‘zbekiston 7-o‘rinni egallab turgan bo‘lsa, hindistonlik grossmeysterlar 8-pog‘onadan joy olgan edi.

So‘nggi turda Polshani 1:3 hisobida yenggan Xitoy terma jamoasi 19 ochko bilan Olimpiada chempioni bo‘ldi. Vengriya kumush, Hindiston terma jamoasi bronza medalga sazovor bo‘ldi.

Butunjahon shaxmat olimpiadasi (Tromse, Norvegiya)

Erkaklar. 11-turning muhim uchrashuvlari:

• Rossiya — Fransiya: 2,5:1,5
• Polsha — Xitoy: 1:3
• Vengriya — Ukraina: 2:2
• Ozarbayjon — AQSh: 2,5:1,5
• Hindiston — O‘zbekiston: 3,5:0,5

1. Xitoy — 19
2. Vengriya — 17
3. Hindiston — 17
4. Rossiya — 17
5. Ozarbayjon —17
6. Ukraina —16
7. Kuba — 16
8. Armaniston — 16
9. Isroil —16
10. Ispaniya —16