Ўзбекистон эркаклар терма жамоаси шахмат олимпиадасини 17-ўрин билан якунлади

Кеча, 14 август куни Норвегиянинг Тромсе шаҳрида Бутунжаҳон шахмат олимпиадаси якунланди. Сўнгги турда ҳиндистонлик шахматчиларга 3,5:0,5 ҳисобида имкониятни бой берган Ўзбекистон эркаклар терма жамоаси якунда қўшимча кўрсаткичларга кўра, 17-ўрин билан кифояланишга мажбур бўлди. Бу ҳақда «Olamsport» хабар бермоқда.

Ҳиндистон терма жамоаси 3-ўринни эгаллаб, олимпиаданинг бронза медалига эга чиқди. Сўнгги турга қадар Ўзбекистон 7-ўринни эгаллаб турган бўлса, ҳиндистонлик гроссмейстерлар 8-поғонадан жой олган эди.

Сўнгги турда Польшани 1:3 ҳисобида енгган Хитой терма жамоаси 19 очко билан Олимпиада чемпиони бўлди. Венгрия кумуш, Ҳиндистон терма жамоаси бронза медалга сазовор бўлди.

Бутунжаҳон шахмат олимпиадаси (Тромсе, Норвегия)

Эркаклар. 11-турнинг муҳим учрашувлари:

• Россия — Франция: 2,5:1,5
• Польша — Хитой: 1:3
• Венгрия — Украина: 2:2
• Озарбайжон — АҚШ: 2,5:1,5
• Ҳиндистон — Ўзбекистон: 3,5:0,5

1. Хитой — 19
2. Венгрия — 17
3. Ҳиндистон — 17
4. Россия — 17
5. Озарбайжон —17
6. Украина —16
7. Куба — 16
8. Арманистон — 16
9. Исроил —16
10. Испания —16