Bugun,

  • USD 11095.31
  • RUB 173.84
  • EUR 10772.44

Yaponiya Shimoliy Koreyaga nisbatan joriy qilingan sanksiyalarning bir qismini bekor qiladi. Bu haqda mamlakat bosh vaziri Shinzo Abe bayonot berdi, deya xabar qiladi “RIA Novosti”.

Foto: “RIA Novosti”

Foto: “RIA Novosti”

2006-yilda BMT Xavfsizlik Kengashi sanksiyalariga qo‘shimcha ravishda Yaponiya KXDRga qarshi o‘z choralarini qo‘llagan edi. Ular import-eksport yetkazilishini, fuqarolar safarlarini, Shimoliy Koreya kemalarining Yaponiya portlariga kirishini taqiqlaydi. 2009-yildan Tokio Yaponiyadan KXDRga pul o‘tkazmalari uchun shartlarni qiyinlashtirdi. 2013-yil aprelida sanksiyalar yana ikki yilga cho‘zildi.

Shimoliy Koreya 1970—80-yillarda o‘g‘irlab ketilib, KXDRda kuch bilan saqlanayotgan yaponiyaliklar taqdirini tergov qilsa, Yaponiya sanksiyalarning bir qismini bekor qilishga va’da berdi.

Tergov boshlanishi bilan fuqarolar safarlariga va Shimoliy Koreya kemalarining yapon portlariga gumanitar maqsadlarda kirishiga qo‘yilgan taqiqlar olib tashlanadi, shuningdek pul o‘tkazmalariga joriy qilingan cheklovlar kamaytiriladi.

Tokioning ta’kidlashicha, 1970-yillarda KXDR maxsus xizmatlari Yaponiyadan 17 fuqaroni o‘g‘irlab ketgan. KXDR esa ularning soni 13 ta ekanini aytmoqda. Garovdagilarning besh nafari muzokaralar natijasida o‘z vataniga qaytgan, qolgan sakkiz kishi, KXDR ta’kidlashicha, vafot etgan. Biroq Yaponiya buni yolg‘on ma’lumot deb hisoblab, ularning ishi qaytadan tergov qilinishini talab qilmoqda.

Izoh
Asosiy yangiliklar
Dunyo
“Ukrainadagi urushni Rossiya boshlamagan” — Putin (video)
Mahalliy
O‘zbekistonda davlat tashkilotlari mashinalariga gaz quyish vaqtincha taqiqlandi
Mahalliy
Toshkentda Cobalt yo‘ldan o‘tayotgan ona-bolani urib yubordi (video)