MBank orqali uy yoki ofisdan chiqmasdan hisobni to‘ldirish imkoni paydo bo‘ldi
“Daryo” mushtariylaridan biri uydan chiqmasdan hisobni qanday to‘ldirish mumkin degan savol bilan murojaat qilgan:
Assalomu alaykum, hurmatli “Daryo” tahririyati!Siz O‘zbekistonning texnologik yangiliklarini yoritib borasiz, shuning uchun aynan Sizga murojaat qilishga qaror qildim. Javobingiz uchun oldindan rahmat.
Menda Uzcard onlayn kartasi bor, ammo kommunal to‘lovlar, internet, mobil aloqa va kabel TV xizmatlariga to‘lash uchun doim ularning ofislariga borishimga to‘g‘ri keladi. Undan tashqari, vaqtim faqat ishdan oldin va keyin bo‘ladi, bir qator kompaniyalarning g‘aznalari esa mening bo‘sh vaqtimda ishlamaydi. Bu xizmatlarning barchasini kartam orqali bitta joyda va soat 18:30 dan hech bo‘lmasa 20:00 gacha to‘lashning imkoni bormi?
Hurmat bilan,Sarvar (muallifning ismi o‘zining iltimosi bilan o‘zgartirilgan)
Salom, Sarvar!Dolzarb bo‘lgan savolingiz uchun rahmat! Hurmat bilan sizga barchani suyuntiradigan yangilikni ma’lum qilamiz: endi provayderlarning xizmati uchun hisobingizni ofis yoki uyingizdan chiqmasdan, dala hovli yoki tog‘dan tushmasdan to‘ldirishingiz mumkin. Buning uchun faqatgina uyali telefon va internetga ulanish mavjud bo‘lishi kerak.
MBank dasturi orqali siz Beeline, Beeline simli interneti, Perfectum Mobile, TPS, “Sharq Telekom”, UzDigitalTV, “Maxsustrans”, FiberNet, “O‘zTransGaz” va “O‘zbekenergo” kabi kompaniyalardagi hisobingizni to‘ldirishingiz mumkin.
MBank'ka qanday ulanadi?
1. Uzcard EMV (onlayn) kartasining egasi bo’lishingiz kerak.2. SMS-bildirishnomalarni yoqing. Buning uchun bizga to‘q sariq rangdagi to‘lov terminali kerak bo‘ladi. Uning ko‘rinishi mana bunday:
Bunday terminallar respublikamiz banklari ichida joylashgan. Biz ushbu maqolada O‘zbekiston Banklar assotsiatsiyasi binosida joylashgan terminaldan foydalandik.
SMS-bildirishnomalarni yoqish uchun quyidagi amallarni bajaring:
Tabriklaymiz! Birinchi qadamni muvafaqqiyatli yakunladingiz! SMS-bildirishnomalar yoqilganligi haqida telefoningizga SMS keladi:
Endi har bir tranzaksiya (to‘lov) dan keyin sizga quyidagi ko‘rinishda SMS keladi:
Bunday SMSlar orqali siz kartochkangizda qancha kirim, qancha chiqim bo‘lganini nazorat qilishingiz mumkin
3. Mobil dasturni Google Play do‘konidan yoki App Store orqali yuklash uchun “mоybank uzcard” deb qidiring. Tugmali telefonga esa mbank.uz saytidan java-dasturni yuklash mumkin.
4. Dasturni o‘rnatib, telefon raqamini, karta raqamini va kartaning ishlash muddatini kiriting.
5. SMS orqali kelgan bir martalik kodni kiriting.
6. Familiya, ismingiz va otangizning ismini hamda shaxsiy pin-kod kiriting. Uni endi doim shaxsiy kabinetga kirganingizda kiritishingiz kerak
Dasturning o‘zi — bepul. To‘lovlarni amalga oshirishda olinadigan komissiya quyidagicha:
- Beeline — 0%
- Beeline Internet — 0%
- Perfectum Mobile — 3%
- “Sharq Telekom” — 0%
- TPS — 0%
- FiberNet — 0%
- Elektr tarmog‘i — 0%
- Gaz — 0%
- “Maxsustrans” — 0%
Reklama
