Janubiy Koreya prezidenti Pak Kin Xe “Sevol” paromi halokati uchun mas’uliyatni o‘z bo‘yniga oldi. U, shuningdek, milliy qirg‘oq qo‘riqlov xizmati tugatilishini ma’lum qildi. Bu haqda Gazeta.ru xabar berdi.
“Janubiy Koreya aholisi hayoti va xavfsizligi uchun mas’ul bo‘lgan mamlakat prezidenti sifatida odamlarga yetgan barcha azoblar uchun uzr so‘rayman”, — dedi Pak Kin Xe.
Uning ta’kidlashicha, qirg‘oq qo‘riqlov xizmati halokat bo‘yicha zudlik bilan chora-tadbirlar olib borish operatsiyasini bajara olmagan. “Ancha ko‘p odamlarni qutqarish mumkin edi”, — dedi u.
Endi dengiz qatnovi ustidan nazorat qaytadan tuzilgan milliy xavfsizlik vazirligiga o‘tkaziladi.
“Sevol” paromi 16-aprel kuni Janubiy Koreya qirg‘oqlari yaqinida halokatga uchragan edi. Kema bortida 476 nafar yo‘lovchi bo‘lgan. Bor-yo‘g‘i 172 kishi qutqarilgan. 286 nafar yo‘lovchi va ekipaj a’zolarining jasadlari topilgan.