Turkiyaning Soma aholi punktidagi ko‘mir konida qidiruv-qutqaruv operatsiyasi tugallandi. Portlash va yong‘in natijasida halok bo‘lganlarning yakuniy soni 301 tani tashkil etdi. Baxtsiz hodisadan 485 konchi omon chiqdi. Bu haqda CNN xabar berdi.
Hukumatning ta’kidlashicha, milliy ko‘mir sohasidagi eng dahshatli halokat beparvolikdan kelib chiqmagan, konda doimiy ravishda tekshiruv olib borilgan. Turkiya energetika va tabiiy manbalar vaziri Taner Yulduz halokat sababi haqida gapirishga hali erta ekanini aytdi.
Hodisadan so‘ng Turkiyaning ko‘plab shaharlarida norozilik aksiyalari o‘tkazildi. Uning ishtirokchilari hukumatning konchilar xavfsizligini ta’minlash uchun yetarli choralar ko‘rmayotganini ta’kidladi.
Izoh (0)