Twitter va Facebook’ning yopilishi haqidagi bayonotini rad etgan bo‘lsa-da, Rossiya nazorat qo‘mitasi rahbari Maksim Ksenzovga “lavozim majburiyatlarini tegishli ravishda bajarmagani uchun” hayfsan e’lon qilindi. Bu haqda “ITAR-TASS” xabar berdi.
Ksenzovga nisbatan xizmat tekshiruvi o‘tkazish bo‘yicha komissiya xulosasi asosida aloqa va ommaviy kommunikatsiya vaziri Nikolay Nikiforov “ma’muriy jazo qo‘llash haqida” qaror qabul qildi.
Avvalroq Rossiya nazorat qo‘mitasi (Aloqa, axborot texnologiyalari va ommaviy kommunikatsiya sohasida nazorat bo‘yicha federal xizmat) rahbari o‘rinbosari Maksim Ksenzov mamlakatda Twitter va Facebook’ni yopib qo‘yishlari mumkinligi haqida bayonot bergan edi. “Ijtimoiy tarmoqlarni bloklab qo‘yishda hech qanday riskni ko‘rmayapman”, — degan edi u.
Medvedev esa unga javoban, ijtimoiy tarmoqlarning faol foydalanuvchisi sifatida Rossiya qonunchiligiga tarmoqlar ham, foydalanuvchilar ham rioya qilishi kerak, deb hisoblashini bildirdi. “Biroq soha taraqqiyotiga javobgar bo‘lgan ba’zi mansabdor shaxslar vaqti-vaqti bilan kallasini ishlatishi va ijtimoiy tarmoqlar yopilishi haqida e’lon qiluvchi intervyularni bermasligi kerak”, — deb yozdi u.
Izoh (0)