62 yoshli nyu-yorklik Anton Purisima shahar, tashkilotlar va fuqarolarga qarshi da’vo qo‘zg‘atdi va 2 undetsillion (2 va 36 ta noldan iborat) dollar talab qildi. Bu haqda “RIA Novosti” xabar berdi.
Purisima Manxetten sudiga taqdim etgan qo‘lda yozilgan talabnomasida Nyu-York shahar transport tizimi boshqarmasi, do‘kon, ikkita mahalliy shifoxona, it egasi va boshqa fuqarolar ustidan arz qilgan va tovon puli talab etgan.
Fuqaro tomonidan ilgari surilgan ayblovlar turlicha — inson huquqlari buzilishidan tortib qotillikka urinishgacha. Uning barmog‘ini tishlab olgan “quturgan” it egasi, shuningdek, kasalxonada tibbiy yordam olish chog‘ida uni ruxsatsiz suratga olgan “bir juft xitoyliklar” ham ayblovdan bebahra qolmadi.
New York Post gazetasining aniqlik kiritishicha, sayyoramizda bunday summa yig‘ilmaydi. Dunyoda eng yirik hisoblangan AQSh iqtisodiyoti yalpi ichki mahsuloti 2013-yilda 17 trillion dollarni tashkil qilgan. Dunyo YaIM esa 75 trillion dollarga teng.
Izoh (0)