Saylovda muxolifat partiyasi g‘alaba qozongach, Hindiston bosh vaziri iste’foga chiqdi

Hindiston bosh vaziri Manmoxan Singx mamlakatdagi saylovlarda muxolifatning “Bxarata janata parti” partiyasi g‘olib chiqqanini tan oldi va iste’fo so‘rab ariza berdi. Bu haqda “ITAR-TASS” xabar berdi.

Avvalroq u Hindistonning “buyuk xalqiga o‘z hukmronligi davrida qo‘lidan kelgan barcha narsani qilishga harakat qilgani”ni ta’kidlab bayonot bergan edi.

Hind milliy kongressi partiyasi rahbarligida Hindistondagi hukmron Birlashgan progressiv alyans 543 saylov okruglarining faqat 59 tasida g‘alaba qozonib, saylovlarda yutqazdi. “Bxarata janata parti” esa 283 ta okrugda g‘olib bo’lib, tarixdagi eng yirik g‘alabani qo‘lga kiritdi. Endi u hukumatni mustaqil ravishda shakllantira oladigan 30 yil ichida birinchi partiyaga aylanadi.

So‘nggi marta bir partiyaning o‘zi 1984-yildagi saylovda ko‘pchilik ovozga ega bo‘lgan. O‘shanda bosh vazir Indira Gandi o‘limidan so‘ng, Hind milliy kongressi 400 dan ortiq o‘ringa ega bo‘lgan.