Bugun, 14-may kuni Brest shahrida suzish bo‘yicha Belarus ochiq chempionatiga start berildi, deb yozadi O‘zbekiston Milliy Olimpiya qo‘mitasi matbuot xizmati.
Musobaqada O‘zbekiston sharafini Aleksey Tarasenko, Artyom Puxnatiy, Artyom Kozlyuk, Andrey Pravdivsev, Dmitriy Xorlin, Timur Latipov, Yegor Bolotov, Fotimaxon Amilova va Shohsanamxon Toshpo‘latova himoya qiladi.
18-mayga qadar davom etadigan mazkur musobaqada joriy yilning 16—28-avgust kunlari Nankin shahri (Xitoy)da o‘tkaziladigan II o‘smirlar yozgi Olimpiya o‘yinlarining yo‘llanmalari ham o‘ynaladi.
Qoidaga ko‘ra “A” normativini bajargan sportchilar to‘g‘ridan-to‘g‘ri o‘smirlar Olimpiadasida qatnashish huquqini qo‘lga kiritsa, “B” normativini bajargan sportchilar orasidan eng yaxshi ko‘rsatkichga ega bo‘lganlarga ham “Nankin—2014” o‘yinlarining yo‘llanmalari beriladi.
Izoh (0)