Braziliyadagi jahon chempionatida qatnashadigan milliy terma tarkibiga kiritilmagan angliyalik himoyachi Eshli Koul milliy jamoadagi karyerasini tugatishga qaror qildi. Bu haqda futbolchi o‘zining Twitter’dagi sahifasida ma’lum qildi.
33 yoshli Koul terma tarkibida 107 ta musobaqada ishtirok etdi, biroq murabbiy Roy Xojson tarkibni yoshartirishga qaror qilgan va JCh-2014’ga boradigan 23 nafar nomzodni rasman e’lon qilishdan avval futbolchiga qo‘ng‘iroq qilib, uning Braziliyaga bormasligini xabar qilgan. Uning o‘rniga jahon birinchiligiga “Sautgempton”dan 18 yoshli Lyuk Shou jo‘naydi.
I got the call from Roy and agree England team should be about the young players. I think it best I retire from England team now. 😢😢
— Ashley Cole (@TheRealAC3) May 11, 2014
We have a great manager and team and I wish them only success. I will be supporting them like a true fan. Thanks to everyone for everything
— Ashley Cole (@TheRealAC3) May 11, 2014
Like me or not, trust me it's hurt me to stop playing for my country #proud and #honoured 🇬🇧
— Ashley Cole (@TheRealAC3) May 11, 2014
“Roy menga qo‘ng‘iroq qilib, o‘z qarorini ma’lum qildi. Men termamizni yoshartirish vaqti kelgani haqidagi fikrga qo‘shilaman, — dedi o‘yinchi. — Yaxshisi, men termadan hozir ketaman. Bizning jamoa ham, murabbiy ham juda yaxshi, ularga omad tilayman. Endi men ular haqida muxlis sifatida qayg”uraman. Ishoning, bunday qarorni qabul qilish menga oson bo‘lmadi”.
Eshli Koul Angliya termasi tarkibida 2001-yildan buyon o‘ynab kelgan.
Izoh (0)