Ijtimoiy tarmoqlarda metan zapravkalarda gaz narxi 3 800 so‘mga ko‘tarilgani haqida xabarlar tarqaldi. Holat yuzasidan Energetika vazirligi matbuot xizmati munosabat bildirdi.
Xabarga ko‘ra, ushbu holat Energetika vazirligi huzuridagi “O‘zenergoinspeksiya” tomonidan zudlik bilan o‘rganilgan. Maʼlum bo‘lishicha, bu holat Farg‘ona shahridagi avtomobillarga gaz to‘ldirish kompressor shoxobchasida kuzatilganligi aniqlangan.
“O‘zenergoinspeksiya”ning Farg‘ona viloyat hududiy boshqarmasi xodimlari tomonidan ushbu AGTKSH masʼullariga tushuntirish ishlari o‘tkazildi va metanning 3 350 so‘mdan sotilishi taʼminlandi.
Bugun, shuningdek, Surxondaryo va Andijon viloyatlarida ikkita AGTKSHda shunday holat kuzatilgan bo‘lib, ular ham “O‘zenergoinspeksiya”ning hududiy boshqarmalari tomonidan bartaraf etilgan.
Eslatib o‘tamiz, Vazirlar Mahkamasining qarori bilan avtomobillarga gaz to‘ldirish kompressor shoxobchalarida tabiiy gazni sotishda uning eng baland chakana narxi 2024-yil 1-iyungacha bir kub metr uchun 3 350 so‘m qilib belgilangan.
Izoh (0)