AQSHning Nevada shtatida 2-mart tongida UFC Fight Night 253 turniri bo‘lib o‘tdi.
Unda eng yengil vazn toifasidagi UFC jangchisi, o'zbekistonlik sportchi Ramazon Temirov amerikalik Charlz Jonsonga qarshi kardga chiqib, ochkolar bo‘yicha g‘alaba qozondi.
Ushbu jangdan so‘ng bugun rasmiy reyting yangilandi. Unga ko‘ra, o‘zbekistonlik sportchi Temirov 13-pog‘onadan joy oldi. Bungacha “Temurlan” 16-o‘rinda edi. Unga mag‘lub bo‘lgan Jonson esa 3 pog‘ona pastlab, 15-o‘ringa tushib ketdi.
Jangdan keyingi matbuot anjumanida Temirov Dana Uaytga murojat qilib, ikki UFC sobiq chempioni va amaldagi chempionni jangga chorladi.
Men chempion bo‘lishni xohlayman. Hoy, Dana, men chempion bo‘laman. Bu divizionni tozalayman. Kay Kara-Frans, Brendon Moreno yoki Pantojami, muammo yo‘q. Men chempionman, hammasini vaqt ko‘rsatadi. Men tayyorman, men o‘zbekman. Kimni raqib sifatida berishsa ham farqi yo‘q. Chempionlikka tezroq borishni xohlardim, shunday ekan, top darajadagi har qanday jangchi bilan urushishga tayyorman. Endi yozda keyingi jangimga tayyor bo‘laman, dedi Ramazon Temirov.
Ma’lumot uchun, Ramazon Temirov uchun UFC’da ikkita jang o‘tkazgan va har ikkisida ham g‘alaba qozongan.
Izoh (0)