AQSHning Nevada shtatida UFC Fight Night 253 turniri bo‘lib o‘tdi. Eng yengil vazn toifasidagi UFC jangchisi, o'zbekistonlik sportchi Ramazon Temirov musobaqaning ilk jangida amerikalik Charlz Jonsonga qarshi kardga chiqib, ochkolar bo‘yicha g‘alaba qozondi.
Eslatib o‘tamiz, bu jang Temirov uchun MMA olamidagi eng oliy promoushendagi ikkinchi jangi hisoblanadi. “Temurlan” UFC'dagi ilk jangini 2024 yilning oktyabrida o‘tkazgan va o‘shanda amerikalik SiJey Vergarani nokautga uchratgan edi. Shu tariqa Temirov UFC’dagi har ikki jangini ham g‘alaba bilan yakunladi.
Jonson esa bungacha UFC’da 10 ta jang o‘tkazgan bo‘lib, shundan 7 ta g‘alaba, 3 mag‘lubiyat qayd etgan. Charlz ketma-ket 4 ta jangdan iborat g‘alabali seriya qayd etib kelayotgan edi. Bugun uning ushbu seriyasi yakunlandi.
Izoh (0)