19-yanvar kuni AQSHda UFC 311 turniri o‘tkaziladi.
-OdBlOKRH.png)
Ushbu musobaqa doirasida o‘zbekistonlik MMA ustasi Bogdan Guskov braziliyalik Jonni Uokerga qarshi oktagonga ko‘tarilishi kerak edi. Ammo Uoker jarohat oldi va ushbu jang o‘tkazilmaydigan bo‘ldi.
Hozircha Guskovga boshqa raqib berilish yoki berilmasligi haqida maʼlumotlar yo‘q.
Yana bir o‘zbekistonlik MMA ustasi Ramazon Temirov 1-mart kuni AQSHning Las-Vegas shahrida tashkil etiladigan UFC turniri doirasida amerikalik Charlz Jonsonga qarshi oktagonga chiqadi. UFC matbuot xizmati shu va karddan o‘rin olgan yana ikki jangni rasman tasdiqlab, uning posterini ham namoyish etdi.
Ma’lumot uchun, Charlz Jonson ayni paytda vazn reytingida 12-o‘rinni egallab turibdi. U MMA’da 17 g‘alaba va 8 mag‘lubiyat qayd etgan. Hozirda 4 ta g‘alabali seriya bilan kelmoqda. 33 yoshli Jonson so‘nggi jangini 2024-yilning 19-oktyabr kuni UFC Fight Night 245 turniri doirasida Su Mudaerjiga qarshi o‘tkazib, hakamlarning yakdil qarori bilan g‘alaba qozongandi. Temirov esa 13-oktyabr kuni AQSH vakili Si Jey Vergarani birinchi raunddayoq nokautga uchratib, UFC’dagi birinchi jangini muvaffaqiyatli yakunlagan edi.
Izoh (0)