O‘zbekistonlik MMA ustasi Mashrabjon Ro‘ziboyev UFC jangchisiga aylandi va darhol jangga rozilik berdi.
Nursulton Ro‘ziboyevning ukasi 16-fevral kungi UFC turnirida amerikalik Jared Gordon bilan to‘qnash keladi. Jang yengil vazn toifasida bo‘lib o‘tadi.
Mashrabjon turnir boshlanishiga 4 kun qolganida ushbu jangni qabul qilib oldi. Mazkur turnir doirasida Kauye Fernandes va Jared Gordon o‘zaro jang qilishi lozim edi. Ammo Fernandes jarohat oldi va jangda qatnasha olmaydigan bo‘ldi. Mashrabjon Ro‘ziboyev esa Gordon bilan jang taklifiga rozilik berdi.
Qayd etish joiz, Mashrabjon qo‘shilganidan keyin UFCʼdagi amaldagi o‘zbekistonliklar soni 4 nafarga yetdi. Bular Nursulton Ro‘ziboyev, Bogdan Guskov, Ramazon Temirov va Mashrabjon Ro‘ziboyev.
Ma’lumot o‘rnida, Mashrabjon Ro‘ziboyev o‘zbekistonlik UFC jangchisi Nursulton Ro‘ziboyevning ukasi hisoblanadi. 28 yoshli Mashrabjon professional faoliyati davomida 25 ta jang o‘tkazib, 20 g‘alaba va 4 mag‘lubiyat qayd etgan, bitta jang natijasi esa bekor qilingan.
Izoh (0)